بقلم د.ساتي
ــــــــــــــــــــ
في حداشر سنة نكاد ان نكون قد احرزنا كل كؤوس السودان ( بطولةكأس السودان)
عدا 2004 وما صاحبها من مشاكل , عام انسحبنا .والعام قبل الفائت
اتنين (ما يجي واحد يقول لي كأس السودان بطولة ثانوية كاي هلالابي )
____
احرزنا كأس الممتاز خمسة ولا سته مرات ...والباقي تكفل به الجلفوط والتحكيم
وبمناسبة التحكيم دي ...التحكيم يقف ضدنا من زمن جدودنا ما حاجة غريبة ...
وليس في زمن الوالي فقط . وما يجي واحد يقول لي الادارة الفلانية اوقفت التحكيم او الاتحاد ),......بل على العكس الادارات السابقة قبل الوالي هي من سمح لهذا الجنين غير الشرعي بالنمو في احشائها وهاهو عهد جمال يشب فيه هذا الجنين عن الطوق .
__________
في حداشر سنه وصلنا النهائي الافريقي مرة
ووصلنا لنصف النهائي مرة
ولربع النهائي مرة
((((دي كدة براها لم تحدث في كل تاريخ المريخ قبل الوالي )))* مافي زول يجي يبخس النقطة دي بالذات او يتناساها ....
____________
في حداشر سنة شهدنا تسجيلات لاعبين على مستويات عالية جدا
ايداهور _ الحضري _ افضل لاعب افريقي حسب الكاف (وارغو) هنا مافي زول يجي يقول لي وارغو ماسورة .......
استجلبنا افضل المدربين أتوفستر المشهور عالميا وافريقيا ....
كروجر صاحب الانجازات مع الفرق المصرية والمريخ وايضا الحبشة .
_________
في حداشر سنه اصبحنا قبلة حتى للكاف بفضل استادنا الجميل وبنيتنا التحتية التى نفخر بها (وما يجي واحد يقول لي ما عاوزين مقصورة عاوزين كورة )
________
الشكر لصاحب كل هذا الجمال بعد الشكر والحمد لله .
____
وبالمناسبة ال11 سنة شهدت تولي (جماعة ناس الهدف ) المبخسون العالميون ..رئاسة النادي وفشلت فشلا ذريعا ...وسميت تلك الفترة بعام الرمادة الثالث ....
موضوع: حداشر سنـــة 
