عمود الكاتب بابكر سلك

في السلك || بابكر سلك
بره التأمين ..!!
> نعم يحتاج المريخ لتغيير كبير
> تغيير في السياسات قبل الﻼعبين
> تغيير في اﻷفكار قبل بثها من جديد فيمن يأتي
> تغيير في طرق اﻹحﻼل واﻹبدال عما كان يحدث سابقاً
> الجماهير مدت حبال الصبر
> حتى علم الصبر أنها تصبر على شيء أمر
من الصبر
> لذا الجماهير غلبها الصبر خﻼص
> وأضحت تمسك ﻻعباً ﻻعباً من الذين أخفقوا
وأدمنوا اﻻخفاق
> تمسكم واحد واحد وتغني له
> رجيتك وفي انتظار عينيك كملت الصبر كلو
> وحتى ﻻ تمسك الجماهير بتﻼبيب اعضاء
المجلس لتقول لهم نفس العبارة
> رجيتك وفي انتظار عينيك كملت الصبر كلو
> حقو اعضاء المجلس ينجوا بتﻼبيبهم
ويشتغلوا صاح
> يشتغلوا بفهم
> بدراسة
> بابعاد لسماسرة اعتادوا ان يركبوا المريخ
مواسير
> واذا تمسك المجلس بهؤﻻء السماسير
> يبقي ما يزعل المجلس لما تتمسك بتﻼليب
الجﻼليب الجماهير
> كفاية
> مسكتونا ضنب الككو كتير
> بعد كده الككو بخربشكم
> أيها الناس
> نشوف من نرشحه لﻼنتقال
> نقارنه بمن يلعب في خانته من الرديف
واﻻشبال
> اذا لقينا في قريب ليهو او افضل منو
> يبقى الزيت لو ما كفى أهل البيت يحرم
على الجيران
> ولنا عودة
> المهم
> الرائع شجرابي كتب باﻻمس على صفحات
« اﻹن...هة » في زاويته الرائعة كﻼم كتير
> استوقفني فيه اشادته بتوزيع ناس الزمالك ﻻعﻼمهم على
جمهور مازيمبي في مباراة فيتا
كلوب
> وقال حقو ناس الهﻼل يعملوها مع فيتا ومازيمبي
> الوطنية وين يا ناس الطحنية
> طيب لو ناس فيتا وناس الزمالك عملوها
في الخرطوم
> بتجونا ناطين تحدثونا عن الوطنية
> وعن انو اي واحد شال علم الزمالك او علم فيتا او علم
الدين هاشم ذاتو
> ما وطني !!!!
> اذا اقريتوا الموضوع للهﻼل
> يجب ان تقبلوهوا على الهﻼل
> فﻼ تنه عن خلق وتأتي بمثله
> وانا شخصياً
> علمي انت رجائي
> واوعك تقطع صفقة شجرة يا شجرابي
> عشان ما يجيكم جفاف وتصحر
> المهم
> نشتغل بحكمة في اﻹحﻼل واﻹبدال
> في حتات كده تغيير البلي فيها ما بنفع
طالما الهوب مفتول
> نغير الركبة كلها
> عشان العربية ما تجر مننا في الشارع تاني
> اها
> نجي لي شمارات والي الخرتوم
> كان شفت يا والينا
> امس في « اﻻن...هة » الرائعة قرينا
> تأمين العاصمة من مايو الى اﻻنقاذ
> وناس المجاهدين وين يا والينا ؟؟؟
> و ناس السلمة وعد حسين ما مأمنين يا
والينا ؟
> طيب السوق المركزي
> يا حليل التفاح والعنب والتﻼجات كان جات
يا والينا
سلك كهربا
ننساك كيف والدواء زي عد حسين بره التأمين
والى لقاء